Сирах каберне барик е суво црвено вино со рубиново црвена боја. Се одликува со буке од зрели плодови и зачини испреплетени со ароми на ванила и темно чоколадо. Има структурно тело од меки танини и моќен завршеток со изразени дрвенести ароми. Се служи на температура 15-18°С.
Суво темно црвено вино добиено од сортите вранец, сирах, каберне совињон, мерлот и санџовезе. Со мирис и вкус потсетува на презреано овошје или џем од сливи, надополнети со мирисната арома на ванила. Се служи на температура 15-18°С со свинско, димено и печено месо.
Шардоне барик е суво бело вино со златножолта боја. Се одликува со комплексна арома со нијанси на зрели цитрусни ноти, пријатно комбинирани со ароми на ванила. Телото му е полно и меко со пријатна свежина и елегантен вкус со изразена арома на ванила. Се служи на температура 10-12°С.
