Македонија се протега на медитеранскиот појас за кој легендите, летописите и митовите велат дека е татковина на виното. Oвој божествен напиток кој го бодрел духот и на античките божества, и на народните херои и на поетите, се произведува повеќе од пет илјади години. Нему и сладострасниците како и научниците, со право му припишуваат цела дузина не само хранливи, гозбени и лековити вредности туку и некои таинствени својства, способности да ги развие креативните сили на човековиот дух, спремен да вдахне на даровите на природата и некои импулси на својата фантазија, култура и човечност. На територијата на Македонија се менувале кралства и империи, доминирале или се повлекувале разни религии и цивилизации, но култот спрема виното никогаш не ја губел својата постојаност, трајност и привлечност. Плодовите на таа традиција живеат и денес.

На националната телевизија во Хонг Конг беше посветена цела емисија на виното марков манастир на Сковин и на македонската сорта грозје вранец од којашто е произведен.